En que consiste «Galicia Gamer»? Información sobre os eventos

«Galicia Gamer» é un programa de xornadas sobre videoxogos, apoiado polos fondos Xacobeo 21-22 e promovido por «Volvemos a primera, producciones audiovisuales». Tratará de poñer en valor novas creacións galegas no mundo dos videoxogos á vez que se levaran a cabo eventos competitivos.

Cando é «Galicia Gamer» e onde?

Os eventos de «Galicia Gamer» serán:

23 de novembro (Vilagarcía – Espazo Xove)

25 de novembro (Betanzos – Espazo Xove)

26 de novembro (Lalín – Espazo Xove)

En que consistirá «Galicia Gamer»?

Durante as mañás as xornadas contarán con charlas presenciais e online de creadores e creadoras de videoxogos galegos. Ás tardes en cada Espazo Xove montaranse estacións de xogo onde se levarán a cabo campionatos de pequeno formato abertos ao público para participar. As finais destes campionatos serán emitidas en directo a última hora da tarde.

Programación por espazos:

Podo ir no día ou teño que inscribirme?

No caso das charlas pódese asistir sen avisar (ata completar aforo). No caso dos eventos competitivos convén avisar por correo electrónico a volvemosaprimeraproducciones@gmail.com , indicando idade e nome completo. No caso de non avisar, só se poderá acceder ao evento se o aforo non está completo.

Teño que ser maior de idade?

O evento está dirixido a mozos e mozas de entre 14 e 30 anos. Calquera persoa que participe nos eventos competitivos terá que asinar alí mesmo unha autorización de dereitos de imaxe (polos eventos emitidos por streaming). Para máis información podes escribir a volvemosaprimeraproducciones@gmail.com

Que xogos haberá nos eventos competitivos?

En Vilagarcía xogarase a Fifa 21

En Betanzos xogarase a Dragon Ball ZFighters e Rocket League

En Lalín xogarase a Smash Bros, Fifa21 e Age of Empires 2

*Tamén haberá alguna estación de xogo para xogar sen competición.

Onde podo seguir as novidades do evento?

A mellor forma de seguir a actualidade e saber as charlas e eventos que se levarán a cabo e a través de Twitter (https://twitter.com/Galicia_Gamer)

Deja un comentario